قصة سندريلا,,
بس مش سنديرلا الي بنعرفها ,,
أحداث القصة هي معلمة تقص على الطلبة قصة سنديرلا ,,
و الجديد فيها أنها باللهجة الفلسطينية ,,(حلوة كتيـــــــر).
:: هاظا يا حبايبي يا صغار مرة وحدة بس كانت في بنت دلوعة امورة نغشة اسمها سندريلا ,, هسا هاي سندريلا ابوها كان خاطب سلفت مرت عم خالة جوز اخت ضرة بنت كنة اخته بدرية ,,بس اخوها الكبير محمد ما وافكش على هالجوازة , فكام كسر ولخبط البيت فوكاني تحتاني ,, ـ ـ المهم مع الايام محمد تصالح مع ابو سندريلا وصارت الامور تمام زي الزيت على الزعتر .
هاظا يا صغار يا امامير عمة سندريلا سنية ما كانتش تطيقها , وعاملة حالها بتحبها عشان تتمصلح مع ابوها عشان تنكة الزتون اللي ببعثها اول الشهر ،، ـ ـ و ومرت الايام ويموت ابو سندريلا الحج حلمي حمال , وهون عاد هسا بلشت الكعدة تبعت سنديرلا,,لانه سندريلا تلخبطت وبطلت تعرف تشرب ميه من اي جرة يعني الله يعلم بحالها كيف صار . فاخذها عمتها تربيها عندها في الحظيرة .
طالب يسأل المدرسة: مس مس مس , ابلة ابلة ابلة , طيب هسا وين امها لسندريلا ؟
المعلمة: يبييييييه عزا , هو انا ما كلتلكمش انه امها ميتة من زمان من كبل حتي ما تولدها , عزا
المهم عمة سندريلا سنية خلتها تشتغل خدامة عندهم في الدار , تنظف وتكنس وتمسح الغبرة وتجلي وتطبخ وتطعمي هالجاجات . وفي نفس الوكت عمتها وبنات عمتها بطلعوا يتمشوا وفرحانين ويشتروا اشياء بلاوي وهيكا يعني , وسندريلا المسكينة محروكة من الكهر كلبها بغلي غلي زي ابريك الشاي .,,,ـــــــــــــــــــــــــــــوفي مرة راح الامير لطفي لابوه الملك حمزة السادسة عشر ونص ولكاه بيفطر كزحة وعسل ,,
حكاله:شوف يابا ترى مش وظع يابا بدي اتزوج يابا , تخلينيش اعملك فظيحة في نص الكصر يابا ,
رد عليه ابوه الملك:ولك اتكل يا ابن الكلب , الله يلعن ابوك , تفو عليك وعاليوم اللي شفت وجه امه الكردة فيه , تفو عليك و على الي بدها تتجوزك,,
كاطعه لطفي وهو بيمسح البلغم ,, و كال :يابا حرام زوجني الله يخليك , فوافك ابوه وكرر انه يعمل حفلة لكل بنات الكرية عشان يختار لطفي وحدة بينهم ,,,,
ـــــــــــــــــــــــــ
ولا تدرالك عمتها بالخبر مثل بكية هالناس , وطب عالسوك هي وبناتها يشترن اواعي ,,
واجا وقت الحفلة وسندريلا يا حرام عمتها ما خلتها تروح , وهي المسكينة ما عندهاش اشي تلبسه ,,
ولا تمر كدام البيت جنية وتسمعها بتبكي , كالتلها شو مالك ليش بتبكي ؟ , كالتلها سندريلا الكصة هيتش هيتش . كالت الجنية باااااس , انا عندي الحل , خذي هالفستان وهالجزمة , بس ديري بالك ها , بدك ترجعي كبل الساعة طنعش ,,
ــــــــــــــــــــــــــ
لبست الفستان وراحت جري على الكصر وشافها الامير وحبها وركصوا سوا وفجأة دكت الساعة طنعش وهاتلك جراي وصارت ترمح وترمح ووكعت كندرتها الفردة الشمال عالدرج ...,,
سندريلا راحت على البيت واتمنت لو انه الساعة ما دكتش على الطنعش , بس شو تسوي بحظها المشحر مثل حظ هاظا الشعب ,,
ــــــــــــــــــــــــــــــــ
الامير حط فردة الكندرة على مخدة يمكن زركة او خظرة , المهم صار ينادي بالصوت على كل البنات عشان يكسن الكندرة كسن كل البنات الا سندريلا , سندريلا نزلت على الساحة ومعها فردة البابوج , وحطتها على المخدة اللي عليها الفردة الثانية , ولما كربت عشان تكيسها ,,, ضربها الامير كف !!!
و كلها:وين جاية يماا ؟
حكتلوا :يكطع وجهك ما ازنخك مش شايفني بدي اكيس البابوج ,,
حكالها:وحدة مثلك كيف بدها تكون فلكة الكمر هديك؟
حكتله سندريلا : هسا بفرجيك وأحط على عينيك ,,
و لما اجت تكيسها ,,ما طلعت كد أجرها , لانها كانت ورمانة من كثر التنظيف , ويا حرام ما حدا صدكها , وانجنت المشحرة ودارت في الشوارع ,,
والامير اتزوج غيرها وحكى : لوينتا بدي اظل ادور عليها الله لا يردها هي الخسرانة ...........
النهاية
ان شاءالله تعجبكم
للمزيد من مواضيعي
~|| برم واهدئاِت منتديأْت نهفاْت ||~
قصة سندريلا بس مو يلي بنعرفها احنا 
المواضيع المتشابهه 
العرض العادي
